Kaupapa: Land

Mangere community rally to protest development Ihumātao

  • Tāmaki Makaurau

He porotū whakahonohono ringaringa te mahi ki Ihumātao, e whakahē ana i ngā hiahia a Te Kaunihera o Tāmaki Makaurau te hanga whare hou ki Ōruarangi. E meatia ana ngā kaiporotū i te take, ka pokea katoatia ngā whenua e tēnei kaupapa hanga whare.

Ko tā Pania Newton, Mangai, Save Our Unique Landscape, “Kei konei mātou i te tuatahi ki te mauria mai ngā tāngata, ki te kite i te painga o tēnei whenua me ōna whāinga hoki mō te iwi whanui, me ngā tāngata no konei.”

Hei tā Irmas Gravis Mema hapori o Mangere, “The land is very significant to the community of Mangere Bridge and to the whole of Auckland actually.

E rite ana a Fletchers Residential Ltd te whakatū kainga i konei, e koni atu ana i te toru rau te maha ki te rori nei o Ōruarangi. E 33 heketea te rahi o te whenua kua wāhia e te Kaunihera, e horo atu ai te whakatū whare mō te hiawhare ki Tamaki te take.

“The Community has a petition before one of the select committee's in Parliament so we want to make sure that we advocate their voice on a consistent basis because The Government should be reviewing this special housing area, there are other alternative sites they should be considering,” tā Su'a William Sio, Mema Pāremata o Mangere.

E ai ki te iwi kāinga, i raupatungia ēnei whenua e hia kē nei ngā tau ki muri, ā, kua roa ngā whenua e mau nei ana i tētahi whānau mahi ahuwhenua.

A, kei tua o tēnei pito whenua o Otuataua, he whenua kua whai rehitatanga ki te Pouhere Taonga.

Ko tā Marama Davidson, Rōpū Kākāriki, “Kāua e hanga whare ki te taha o ngā waahi tapu, ki ngā urupā. he whenua ake mō tēnā, Atu i tērā kua tahaetia tēnei whenua e te Kawanatanga.”

“Kei konei etahi o nga waahi tapu pera ki o matou puna, o matou urupa, o matou maunga, koira te take he waahi tino motuhake, tino whakahirahira mo matou,” hei tā Newton.

Kahore ano Te Minita Hanga, Whare a Nick Smith kia unu i te tono a Te Kaunihera, kia waihanga i te wahi whakatū kainga o Ōruarangi.

Hoino, kua tukuna atu tētahi tono rongo kereme ohorere ki Te Rōpū Whakamana.