Mā te rerewē hōu e whakakore ai ngā taraka 6000

Aroha Treacher
  • Te Tai Rāwhiti

Ko tā KiwiRail he tata ki te ono mano ngā taraka kawe rākau ka heke  i ngā rori ia tau, i te tūwheratanga anō o te ara teraina mai Wairoa ki Ahuriri hei te paunga o te tau rā anō. 

Ka rere anō ngā tereina i waenga i Ahuriri me Te Wairoa, ā, koinei te tereina tuatahi - mai i Eskdale.

"Kia iti ai ngā taraka kia iti ai pea te utu ka mau mai ai ngā tūporo mai te ngahere ki te wāpū ki ngā mira rānei e kore e kahore ka puta ai wētahi mahi hōu mā te kapa kaimahi a hiahia ana ki te whai atu i ngā mahi mō te rerewē," Shane Jones, Minita Whakawhanake Ohanga.

I aukati te ara tereina i te marama o Hakihea i te tau rua mano tekau mā rua, he rima miriona tāra te utu ki te whakatūwhera anō, he pūtea tautoko nā te kawanatanga.

"Hei ngā marama 12 ka rere ngā tereina rua e toru rānei ia wiki," tā Peter Reidy, kaihautū matua o KiwiRail.

He kaupapa pai tēnei mō te hapori o Te Wairoa, harikoa ana te koromatua mō ngā tūranga mahi hōu.

"Ko te whai ka noho ngā kaitaraiwa waka nō Ahuriri ki Wairoa, mā rātou anō ngā rākau e kawe atu ki te tūnga tereina," tā Craig Little, koromatua o Wairoa.

Ko tā KiwiRail me tūpato te iwi whānui ki te rerewē, i te rerenga anō o ngā tereina.