Mā te rauemi ipurangi a My Whenua te iwi Māori e whakahaere ai i o rātou whenua

Wepiha Te Kanawa
  • Te Whanganui-ā-Tara

He whakahaere, aro turuki hoki i ngā nekehanga o ō rātou tarahiti whenua huri noa i te motu te mahi a tētahi rauemi ipurangi mō te Māori.  Ā, mehemea he nui o pānga whenua, ka taea e koe ēnei whenua katoa te tirotiro ki te wāhi kotahi.

Koinei te rauemi ipurangi hōu kua huraina e Te Tumu Paeroa e kiia ana ko "My Whenua"

He whitu tekau mano ngā kaipupuru whenua a Te Tumu Paeroa, he rua mano ngā tarahiti.  E ai ki a Jamie Tuuta, te kaiwhakahaere matua o Te Tumu Paeroa, he tuatahitanga tēnei kaupapa mō Aotearoa.

Kei te haere tonu ngā korero mō tētahi kaupapa whakatū whare, he tekau mā toru ngā whare rēti ki te ara o Evans Bay Parade ki Te Whanganui-a-Tara.  Ko Te Aro Pā te ingoa tawhito, ā, ko Taranaki te mana whenua.

Nā tēnei kaupapa whakatū whare ka whai wāhi ngā whānau ki te hoko whare, iti te utu, ki ngā wāhi pai o te takiwā.  Ā, ka whai wāhi hoki rātou ki te kite i te whakawhanaketanga o ō rātou papa kāinga mā runga i te ipurangi.