Ma te Māngai Nui ka whai reo motuhake a Te Arawa ki te aō papāho auraki

Wepiha Te Kanawa
  • Waikato/Te Waiariki

He mahi tahi me 'Rotorua Daily Post' te mahi a ētahi kairīpoata tokorua nō Te Arawa ki te whakaputa i tētahi niu pepa Māori, e aro pū ana ki ngā kaupapa o Te Arawa.

Koinei te wā tuatahi i roto i ngā tau kotahi rau whitu tekau, e āhei ana te Māori ki te pānui i ngā karere i roto i niupepa i roto i Te Reo Māori.

Ko Māngai Nui te niu pepa Māori tuatahi ka whakaputa e te ao pāpāhō auraki.

Ka whai reo motuhake a Te Arawa i roto i te ao pāpāhō auraki, he reo e kore e rangona i ēnei rā.

Ko 'Te Karere o Niu Tireni' te niu pepa reo Māori tuatahi i whakaputa i te tau tahi mano waru rau whā tekau mā rua. Ināianei kei te whai a Māngai Nui i āna tapuwae, engari ko Te Arawatanga te aronga.

He kairīpoata e mohio whānuitia ana i roto i te ao pāpāho Māori, i roto hoki i te hapori, a Kereama Wright rāua ko Marisa Balle.

Ka puta a Māngai Nui ia marama, ka hokona i ngā toa a tēnei rāhina