Mā te hunga rangatahi ngā kawenga o Ratana e whakapāho

Talisa Kupenga
  • Te Tai Hauāuru

Mō te wā tuatahi ka rere te reo pāpāho a te rangatahi ki nga whakangahau ki Ratana. Ko te hiahia kia whakaputa o rātou ake whakaaro kia whakawhānui ake te hunga mātakitaki ki te ipurangi ki te papa ano hoki.

Koinei te reo o te rangatahi ki Ratana e kōkirikiri atu ana ki te ao.

Ko tā Chaeli Manuel, Kaipāpāho Rangatahi ki Ratana “he mea whakahirahira he mea hohonu tenei mea te reo irirangi, ano nei ko te whakaata Māori kia tukuna atu ki te ao.

He tekau ma rua ngā rangatahi e manutaki ana i te kaupapa me te pāpāho i ā rātou kitenga ki te whārangi pukamata o Ratana Rangatahi Village, ki Awa FM ano hoki.

Ko tā Hamiora Renata, Kaipāpāho Rangatahi "He mea kia pāho atu ki te ao kia rongo ai te ao i te momo wairua ki konei a i tona wā ka tae atu pea aua tangata e matakitaki mai nei i runga i o ratou waea pukoro, ka tae mai ki enei papa ki Ratana.

Ko ta Chaeli “Ka kaha tonu mātou ki te whakapāho i tēnei haahi kia kaua rawa e noho ngoikore."

I te tau rua mano tekau mā toru, whā tekau mano te maha o ngā mōrehu puta noa i te motu, engari e rima mano noa iho ka tau mai ki Ratana ia tau. Mā te pāpāho ki te ipurangi ka taea ngā mōrehu taratahi te piri mai ki te kaupapa.

Ko tā Chaeli "kaua e waiho ma te pukamata anake koe e uru atu ki tenei o nga kaupapa haeremai ki tēnei pā whakakī ai to ngakau whakapono.

Ko tā Hamiora “He tau ano ka whakanui mātu i a Tahupōtiki me te huinga Ratana, he tau ano he tau ano e kore rawa te haahi e mate."

Ka uiui te rōpū rangatahi i te Pirimia a Jacinda Ardern hei āpōpō.