Kaupapa: Environment

Mā Ngāti Pāhauwera tonu e haupatu i ngā paihama

Aroha Treacher
  • Te Tai Rāwhiti

I te tau rua mano tekau mā rima, kore whakaae a Ngāti Pāhauwera mō te ruirui i te paitini 1080 i te ngahere o Mōhaka. I tēnei wā tonu kua whakatīnanahia te whāinga nui, mā rātou anō ngā paihama e haupatu hei mahi mā ngā uri whakaheke.

"Ka tāea e mātou te mahi i te mahi," tā Jim Lewis, Ngāti Pahauwera, Lewis Pest Control."

"Ko te whai kia heke iho rahi o ngā paihama ki raro i te rima ōrau i te ngahere nei, kātahi ka taea e ngā kiwi te hoki mai ki te wāhi nei," hei tā Sheridan Beer, kaitiro tatauranga.

I ngā rima marama kua pahure, kua kapi i a rātou te tekau mā rua mano heketea, he mahi i oti i ngā tau e waru.

"I tēnei wā e rima mano ngā paihama kua hopukia, ka mahua te hopu i ngā paihama rua tekau mā rua mano, heoi e ai ki ngā tatauranga ruarua noa iho ngā paihama i tēnei wāhi o te ngahere," tā Beer.

I te tau rua mano tekau mā rima i poroteehi a Pāhauwera ki te 1080 i te ngahere o Mōhaka, te pito kāinga o Kotemaori. I reira whakaaro ake ai rātou ki te mahi i te whakakore paihama.

Ka hoko atu ngā paihama ki tētahi pakihi i Aotearoa, hei kai mā ngā mōkai.