Ngā kaupapa: Entertainment, Matariki

Mā ngā mahi karetao e whakatinana i te pakiwaitara rongonui o 'Te Kaieke Tohora'

  • Tāmaki Makaurau

Kua kawea ki te atamira te pakiwaitara rongonui a Witi Ihimaera, arā, "Te Kaieke Tohora".

E whakaaturia ana te whakaari nei ki Takapuna, i Tāmaki Makaurau, ā, e whakamahia ana he karetao hei whakamīharo i ngā tamariki nohinohi. 

Koinei te pakiwaitara rongonui mea tuhi e Witi Ihimaera, e pa ana ki ngā uri whakaheke a Paikea te kaieke tohora, hei kawe i te mana rangatira o te iwi, he tāne katoa tae rawa mai ki te whanautanga o Kahu, he kotiro.

Na te kaihanga kiriata a Tim Bray i whakahāngai tenei pakiwaitara mo te atāmira, hei whakātu ki ngā tamariki mokopuna, hei whakanui ano hoki i te wāhanga o Matariki.

Koinei te wiki whakamutunga o whakāturanga nei ki Tāmaki Makaurau, heoi hei te marama e heke mai nei, ka huri te aro o te Kaieke Tohora ki Te Taitokerau, ki Kaitaia, Kerikeri me Whangarei.