Ngā kaupapa: Koroneihana, Tainui

Mā Morgan e hautū tētahi hui pāpaho mō te māuiuitanga o te Kīngi

updated Te Kāea
  • Waikato/Te Waiariki

Mā Morgan e hautū tētahi hui pāpaho mō te māuiuitanga o Kīngi Tuheitia ki te marae o Te Mānukanuka o Hoturoa i Tāmaki Makaurau.

Inapō rā, i pā mai te rongo kua pā te hēmanawa ki a Kīngi Tuheitia, ā, kei te hōhipera o Waikato ia e takoto mai ana.  Heoi i hē taua kōrero.

E mārama ana a Te Kāea kua māuiui te Kīngi mō te wā roa nei i te mate huka me te mate pukupuku, koirā hoki te take kāore te Kīngi i puta ki te hui Koroneihana i tērā tau, nā runga i te taumahatanga o tōna hauora.

Heoi i tēnei tau, ahakoa ngā māuiuitanga e pā tonu nei, i hoki ake ia ki te kōrero i ōna āwanga mō tāna tama a Korotangi me te whakapuaki ake i ētahi tohu whakanui hōu ka tohua e ia.

Anei tōna kauhau ki te motu i puta i tērā Rāpare.

Inapō rā me te ata tonu nei, i karahuihui ngā pononga o te marae o Tūrangawaewae ki te karakia mō te Kīngi, kia piki tōna ora.