E ngākau tapatahi ana te Poari Hauora ā-Rohe o ngā Roto i Te Waiariki ki te whakapakari ake i ngā ratonga hauora mō te hunga whaiora. Kua takoto ake he whakaaetanga i waenga i ngā ratonga tekau ma ono me ngā ratonga Māori e wha, ā, ko te whainga o taua whakaaetanga he hāpai ake i te tuku āwhina ki ngā tūroro e pāngia ana e te mate hinengaro.
He tuatahitanga tēnei kawenata mō ngā mana o te rāngai hauora hinengaro, waranga hoki me te pōari hauora o ngā roto moana.
Hei tā Marita Ranclaud (Lakes DHB), “We really need to think what our systems do and what our people perform and behave in response to some of those situations. So, once we have ensured we know that we are working in a way that is most effective and most efficient then we can have funding discussions.”
Ka kapi i tēnei poari te rohe mai i Rotorua ki Taupō, ā e toru tekau mā rua miriona tāra ka haere ki te rāngai mate hinengaro, waranga hoki. E mahi tahi ana a Tina Berryman-Kamp me ngā mātua e raru ana. Hei tāna, me kaha ake te aro ki te hiki i te māramatanga.
E ai ki a Berryman-Kemp, “We'll love to see a lot more awareness about the importance of the early years, particularly for the infant but also that it is a really vulnerable time for parents.”
E waru rau ngā tāngata ka tahuri ki ngā kaupapa whaiora, maimoa mate waranga anō hoki a te Pōari Hauora o Ngā Roto Moana. Kua nui ake hoki te hunga kua waranga, heoi kei te hāngai te aro ki ngā kaupapa kua oti kē te hanga.
Hei tā Ranclaud, “It's about really knuckling down involving ourselves in the work that's already happening and getting that right.”