Kura Kaupapa in Murupara embraces the Asian languges

Mere McLean
  • Waikato/Te Waiariki

Tekau ngā tauira nō Te Kura Kaupapa Motuhake kei te whakarite ki te haere ki Hapani hei te Noema. Ka whai tēnei i te whakaūtanga o te tohu o te Akomanga a Mātanga Kong ki runga i tēnei kura ā-iwi i tērā mārama.

E rere ana te reo hapanihi ki tēnei kura a Iwi. 

Hei tā te tumuaki o tēnei kura a Pem Bird, “Kua rima tau mātou e kawea nei i ngā reo e rua nei, na reira kua eke te wā me haere ki te wāhi kei reira ngā tāngata taketake nei.”

Ko te taitara reo tohunga kei tēnei kura, ā, kia whai reo, tautoko te reo manarini, hapanihi hoki ki roto i te kura.  Koinei te kura a iwi tuatahi kua pēnei. 

Ko te mea uaua, kia riro mai ngā rauemi, e ahei te kawe, kia tuturu ki roto i te kura.

Hei tā Bird, ko te tirohanga kei muri i tēnei taitara kia whai tirohanga ā ao ōna tauira. 

“Reo Māori taketake, reo pākeha, reo ētahi kura reo paniora, kei te pai, kei te pai, reo Mandarin, i runga i te whakapono nō tātau te ao, koira te whakapono o a tātau koroua, kuia.” 

E toru anō ngā kura a iwi kei te whai i te tohu reo tohunga.  Ko Ngāti Rongomai tērā nō Te Arawa, Te Whakatau o Putauaki ki Kawerau me Te Kura Mana Māori o Whangaparaoa ki Te Whanau a Apanui.