Kaupapa: Environment

Kua wikitōria te māra 'Te Toka' o Papamoa i te tohu Tui o te tau

Mere McLean
  • Waikato/Te Waiariki

I whakatau te kairiro o te tohu kaiwhakatipu tui o te tau i tēnei rā, ka mutu mō te kairiro kāre tona huringa ake.  Ko Owen Takuira-Ngaropo o Papamoa te kaiwhiwhi i te tohu mō tōna māra hapori e mōhio nei ko te toka.  

Mō ngā tau e toru kua ūpoko pakaru ngā mahi a Owen Takuira-Ngaropo ki te waihanga i tēnei māra, ā, i te rā nei i whakatauhia ko ia te kaiwhakatipu māra o Aotearoa o te tau.

E ai ki a Takuira-Ngaropo, “Nōku te waimārie nui, te hōnore ko te mea nui he mea whakanui tēnei nā te hapori.”

I te hiahia a ia ki te waihanga i tēnei māra hei āwhina i tōna hapori kua rongo ki ngā āhuatanga o ngā kēnge me te kaitaru kino. 

I tēnei wā, nuku atu i te rima tekau te hunga ka awhina ki tēnei māra waru heketea te nui ki tēnei pito o te tiriti o Hartford Ave, Papamoa.

Ki tāna anō, “He kaupapa pai, he rā ano tēnei, he rā ki taku tari mahi, ka hoki koe ki te mahi ō mahi, ā, ko te whakatipu huawhenua e titikaha ana ki tōku ngākau.”

Ko te ingoa o tēnei māra ko 'Te Toka' i tīmata i ngā tau e toru ki muri, ko ia me te hapori ngā kaimanaaki.  Ko ngā kai o tēnei māra ka hoatu ki te Ope Whakaora me te kīhini ā-hapori o Te Puke.

Hei tā Takuira-Ngaropo, “Kei te hiahia au ki te whakarata i te hunga ngākau nui ki te whakatipu kai, tāne mai, wāhine mai e arohanui ana ki te mahi mō te hapori.”

I te mea ko ia te kaiwhiwhi i te tohu a Tui mō te Kaiwhakatipu māra o te tau ka riro i a ia te kāri koha tekau mā rima mano tāra te wāriu, kua riro hoki ki a ia tētahi haerenga ki te huinga māra ā-ao ki Melbourne hei tērā tau.