Kua whiwhi tokotoko te kaiwhiti Laureate o Aotearoa

Aroha Treacher
  • Te Tai Rāwhiti

E whakanui ana te iwi kainga o Matahiwi Marae i Te Matau a Māui i ngā whakatutukinga o te kaituhi whiti Laureate o Aotearoa a Tākuta Selina Tusitala Marsh. I tū ai he hui tuku tokotoko ki aia hei tohu rangatira o āna mahi ki Aotearoa nei.

Kua pānuitia āna mahi i ngā pukapuka me ngā pukapuka whiti whitu tekau neke atu, ki Aotearoa ki tawaahi anō hoki.

"I kimi koe i ngā kura o ia meneti o ia rā," tā Tusitala Marsh.

I te marae o Matahiwi i takoha he taonga ki aia, he tokotoko i whakairongia e te tohunga nō Kahungunu a Jacob Scott.

"Ko te tokotoko nei he tohu o raurangi, ara ngā huarahi kei mua," tā Scott.

Koia te tangata tuatahi nō ngā iwi taketake ki te whiwhi tohu PhD Irangarahi nō te whare wānanga o Tāmaki Makaurau, ka he waru tekau mano taara hoki ka whiwhi kia aia hei hāpai ake te reo whiti.

"He wawata nui tēnei, ka mahara ahau ki tōku koro a Tusitala, he tangata mahaki ia," tā Tusitala.

Ko te tohu laureate te tohu nui rawa ki Aotearoa nei, mai i te tau kōtahi mano iwa tekau mā ono ka whakaingoatia he kaiwhiwhi ia rua tau.