Kua whiwhi haki kākāriki a Ruāpekapeka

  • Te Tai Tokerau

E rima ngā wāhi o Aotearoa, kātahi anō ka tohua ki te haki kākāriki, he tohu tiketike i te ao mō te hiranga i ngā mahi tāpoi.  Ko tētahi o ngā wāhi, ko te pā o Ruāpekapeka, i Te Taitokerau.

Koinei tetahi o ngā tino pā o te iwi o Ngāpuhi o te tupuna hoki a Kawiti, kua tohua ki te tohu tiketike mo ngā whenua atāhua rawa o te ao, hei tūtakitanga mā te katoa

Katahi te honore nui mō te roopu kaitiaki o Ruapekapeka. he miharo ano i te mea kei te kite ngā hua o te mahi tahi mē te papa atawhai ki te tiaki i tēnei wāhi whakahirahira.

Hei tā pēni henare, he nui tonu ngā mahi kei mua i te aro e whakatutuki ai te wawata o te hau kainga, mō to ratau pā rangatira.

“Ko ta tmatau hiahia kia wananga i ngā kōrero ngā hitori katahi.

Ka rua ka aro matau iaianei ki ngā mahi turuhi e kaha mahi ana i te Pewhairangi i tēnei wā. Ko ta matau hiahia kia peka mai te ao whanui ki te Ruapekapeka kia rongo i ngā kōrero o te hau kainga.”

I ahu mai te tohu green flags i ingārangi, heoi he tohu whaimana horapa i te ao i enei tau nei.