Ngā kaupapa: Elections, Politics

Kua whiua e Paenga tōna ingoa ki te pōtae a te Pāti Māori mō te turu o Tāmaki

Wepiha Te Kanawa
  • Tāmaki Makaurau

He maha ngā mahi kua tutuki i tēnei uri Māori he toru tekau mā tahi tau te pakeke.

Ehara ia i te tauhou ki te papa tūwaewae kapa haka, ā i whakawahia ia hei rīkona o te hāhi Mihingare i tōna tau rua tekau mā whitu tau noa.

Ināianei he ara nui kei te takahia e Te Hira, ki ngā tapuwae tonu o tōna pāpa a Pita Sharples.

Inanahi i tukua tōna ingoa ki te puna tono e tohua ai he māngai mō te Pāti Māori mō Tāmaki Makaurau.

E ai ki ngā kōrero ko Te Hira tētahi o ngā mea rangatahi rawa kua whakauru i o rātou ingoa.   Ā, hei ko tāna kua tae te wā kia hao ai te rangatahi.

Kei te hāere tonu te taha ki te whiriwhiri kaitono, ā, hei tōna wā ka whakaingoahia te māngai mō Tāmaki.