Kaupapa: Crime

Kua whakawātea ngā pirihimana e te kōti mō te puhinga o Anthony Ratahi

Te Kāea
  • Te Tai Hauāuru

Kua unuhia ake te hara i te pirihimana, nāna a Antony Ratahi o Taranaki i pupuhi kia mate i te tau rua mano tekau mā tahi.

Ko tā te Mana Whanonga Pirihimana i kite ai, i tika tā te āpiha pupuhi i a Ratahi, hei whakahaumaru i a ia anō, otirā i ētahi atu. 

Nā Ratahi tōna hoa wāhine o mua a Marcelle Beer i kahaki, ka mauria ake ki te hōtēra o Headlands i Ōpunake i te marama o Hōngongoi i te tau rua mano tekau mā tahi. 

I te mutunga iho i pūhia a Rātahi whai muri i ngā haora tekau mā toru e whakatumatuma ana ia i tētahi ope mau pū a ngā pirihimana. 

I te pūrongo a te mana whanonga e meatia ana, tērā te mōrearea nui i tūpono ake ki ngā pirihimana, ā, he tū māia tā rātou tū i te mura o te ahi kia kumea ai a Beer ki te ora.