Ngā kaupapa: Iwi Settlements, Tūhoe

Kua whakatuwherahia Te Wharehou o Tūhoe

  • Waikato/Te Waiariki

Me he Kounga to waahi noho, ka kounga to oranga.

Koina te wairua o te whakaaro i whaia e Tūhoe, i te whakatinanatanga o te hanganga i to ratau wharehou.

Hei tā Tāmati Kruger, “Ko tēnei whare na he whakatau kōrero tēnei na mehemea a Tūhoe te kotahi ka taea e ia ona hiahia.”

Kei roto i ana taiapa he waahi Toi, he Wharekai me tētahi wāhi pupuri kōrero o nehe.

He tuatahitanga mō Ngai Tūhoe, tēnei momo whare tapere penei te hanga. 

Ko te mahikore me te rawakore ētahi ahuatanga e kaha kitea ana I ngā hapori puta noa i te Rohe Potae o Tūhoe penei I a Taneatua, a ma ngā ratonga I puta I te wharehou ka puta ngā hua.

Tua atu i tena ko te hanga o te whare e whakāro ki te taiao.

He tata ki te tekau ma rima miriona taara ngā putea I utua mō te whare nei, a he moumou putea te whakaaro o ētahi. Engari kāre a Tamati Kruger I te whakaae.

“Kāre i pou katoa ngā moni a Ngai Tūhoe ki tēnei whare anahe.  Engari ara ngā momo ahuatanga o tena whare, ehia te utu mō era mea.”

Ahakoa te tutukitanga I te whakatuwheratanga o te wharehou nei, he ara roa ki mua I te aroaro a Tūhoe mehemea ka taea e rātou te anga whakamua.