Kaupapa: BUDGET

Kua whakaritea he $10.4 miriona taara kia aukati te mahi pāwhera

Heeni Brown
  • Tāmaki Makaurau

Nō roto mai i ngā penapena pūtea ā te Kāwanatanga, he tekau ira whā miriona tāra te utu i whakawhiwhia ki ngā ratonga e aro pū ana ki te mahi pāwhera.

E ai ki a Tākuta Kim McGregor e mea nei, “He rima ira rua miriona tāra mō te rua tau tēnā, heoi, kua iwa tau iaianei mātou e tatari ana kia puta mai, ā, e harikoa ana ā-roto i tōna taenga mai”

Engari he kongakonga noa iho tēnei hei patu i ngā mahi pāwhera i a ngā tatauranga e mea ana, he rua tekau mā rua ōrau o ngā kōhine kei Aotearoa, ā, he tekau ōrau o ngā taitamatāne kei Aotearoa kua pāwheratia.

E ai ki te ripoata tā Te Toiora Mata Tauherenga rua mano mā iwa. he whakapae nā Te Kaitohutohu Kaupapa e mea ana, ko te utu pāwhera ia tau i Aotearoa nei, he kotahi ira rua piriona tāra. Engari, he tatau tēnei e ai ki a Tākuta McGregor i puta i ngā tau ngāhuru ki muri.    

Hei tā Tākuta McGregor anō rā e mea nei, “E whakapae ana mātou kua nui ake tēnā ki te takiwa o te rima ki te whitū piriona ia tau”

Iaianei, e hiahia ana a Tākuta McGregor kia whānui ngā whakahau e mataara ai te tangata ki tēnei mea te pāwhera.