Kaupapa: Parekura Horomia

Kua whakarewaina te pukapuka ‘Kia Ora Chief’ e whakahonore ana i a Parekura Horomia

Aroha Treacher
  • Te Tai Rāwhiti
  • Te Whanganui-ā-Tara

Kī katoa ana a Hinmaurea ki Mangatuna i ngā oro katakata, a, ka hoki ngā mahara ki a Parekura i te wa e ora marika ana.

Hei tā Brian Morris, “Ka kite tonu i tona wairua, ka rongo tona wirua kei waenganui i tona whanau, te hau kainga, kei konei tonu e paorōro ana.”

I huraina tōna pukapuka ki tōna tūrangawaewae ake, a, nā Wira Gardiner te pukapuka i tito hei matapihi ki te ao o Parekura, Ano o te wa i kuti puihi, i heu hipi hoki tae noa ki te wā i eke ia ki ngā rārangi teitei o te Pāti Reipa.

Hei tā Wayne Ngata, “Ko etahi o ngā kōrero he pai, ko ētahi kaore pera ranei i te pai, natemea, kei te whakawhaitihia ngā kōrero pai katoa engari, me mohio te tangata ki te whanuitanga o ngā kōrero o te ahuatanga o Parekura.”

He ono tekau mā rima ngā tāngata i uiuitia, hoa mai, rangatira Māori mai, kaitōrangapu atu, otira me tōna whānau anō hoki, katoa i tuhi kōrero mō tōna ngākau mākohakoha, me tōna whakapau kaha ki te awhina i te hunga katoa.

Pērā ki ona uara, katoa ngā moni o ngā pukapuka ka hokona ka tau hei putea tautoko mo ōna mokopuna hei whakamama i ngā utu o te ao mātauranga.