Kua whakarewahia e Ngā Pae o Te Māramatanga tā rātau whārangi ipurangi hou

  • Te Whanganui-ā-Tara

Mā tetahi whārangi ipurangi rangahau Māori hou pea e whanake ai ngā pūnaha kāwanatanga a tōnā wā.

I te rā nei i whakarewahia e Ngā Pae o Te Maramatanga tā rātou whārangi ipurangi, He Hononga Pukenga. He rauemi hei whakakotahi i ngā kairangahau Māori puta noa i te motu.

I whakarauika atu ētahi o ngā tino kairangahau o te ao Māori ki Te Whanganui-a-Tara mō te whakarewanga o te whārangi ipurangi, He Hononga Pukenga. E ai ki te Minita Take Whakawhanake Māori, ka whai hua ngā kaiwhakarite kaupapa i tēnei rauemi.

He rua rau rima tekau ngā kairangahau Māori kei runga i te whārangi ipurangi nei, ā, e ai ki te tumuaki o te tari rangahau o Ngā Pae o Te Māramatanga, a Dan Hikuroa, he hua nui anō ka puta mō ngā iwi i te motu.

He nui ngā take nui pēnei kei mua i te aroaro o te Minita i tēnei wā, pērā i te mana o te wai, me te pire reo Māori, ā, mā tēnei rauemi pea ka whai māramatanga ai te iwi ki ēnei take.