Kua whakarewahia e ētahi tauira Whare Wānanga tētahi kaupapa e whakaatu ana i te wairua kaikiri i te ao o te tauira

Heeni Brown
  • Tāmaki Makaurau

Kātahi ano ētahi tauira Māori me ngā uri o Te Moana nui-a-Kiwa ka whakarewa i tētahi kaupapa ki runga ipurangi e whakaatu ana i te āhuatanga o te wairua kaikiri i roto i te ao o te tauira.

Ko te uru mai ki tēnei whare wānanga mā ngā tūranga whare-wānanga mō Ngāi Māori me Ngāi Pasifika tētahi hiringa nui mō ngā kōrero kaikiri ki ēnei kiriata o "I, Too, Am Auckland".

Koinei noa iho ētahi o ngā kōrero kaikiri e ai ki David Mayeda ka tutakina e te ākonga Porinihia.

E ai ki ētahi tauira Māori e tautoko ana a ia i te kaupapa o "I, Too, Am Auckland" i runga anō i te mōhio he mea nui te whakatikatika i tēnei mea te kaikiri ki te whare wānanga.  

Katoa he whā tekau mā whitu mano tauira kei tēnei whare-wānanga, e ai ki ōna tumuaki, ki a Ahorangi Stuart McCutcheon rāua ko Jim Peters, kahore i te whakaaetia te mahi kaikiri ki konei.

A, whai muri i tā te whare wānanga arotake i te āhua o ōnā tauira, e whakahī pai ana kei te rite te rata atu o Ngāi Māori, Ngāi Pasifika hoki ki rōpū tauira kē.