Kua whakarērea e tētahi tāne te ao kēngē mō tōna whānau

Te Kāea
  • Waikato/Te Waiariki

Whakarērea ana e Richard Biddle te ao o te kēngē, ā, ka tahuri ki te whakatutuki i ōna moemoeā hei kai whawhai ki rō paekati, i raro i ngā whakaakoranga a Brad Kora i te Whare MMA o Whakatāne.

Kua tahuri tuara atu a Rihari Biddle i ngā kēnge.

Kua whakakore hoki a ia i te kai waiprio me te tarutaru mō te kotahi tau ināianei. I te tau ruamano tekau mā toru i whakawhirinaki atu ia ki te Whare MMA ō Whakatāne. Ki reira ka tahuri katoa tōna āo nā te noho piri tata ki ngā momo tāngata o te karapu nei, pirihimana mai, rōia mai, māhita mai.

Kua kite te whetū pūoro o te pēne Kora a Brad Kora i ngā pāinga kua puta mai i a Rihari.

Ka whakapakari ā ia hei kai whawhai kēti. Ā, kāre he aha ngā wero hei whakakaha i a ia anō.

Hei te marama e tū mai nei ka whakawhiwhia a Rihari Biddle ki te tohu hākinakina, me tōna moemoeā kia whakahaere ā ia he whare hākinakina a tōna wā.