Kua whakapuakihia ai te īngoa o te tamaiti i toromi ki te ngutu awa o Waipū

Dean Nathan
  • Te Tai Tokerau

Nō te rā nei whakapuakihia ai ko te īngoa o te tamaiti Māori i toromi ki te ngutu awa o Waipū inanahi rā, arā ko Jahzel Porter, e tekau mā tahi ōna tau nō Whangarei.  Nā reira e kaha whakatūpato ana ngā pirihimana o te rohe i ngā iwi katoa e haere ana ki te moana i tēnei wāhanga o tau.

E pake pai te haere o ngā mahi a ngā pirihimana i tēnei wā o te tau i te kaha tini o ngā aituā whakamate ki whenua  ki tai anō hoki.

E ai ki te Kaitakawaenga Māori o Te Tai Tokerau, a Rick Brown, “Ko taku nei hiahia, taku nei moemoeā mō ngā tāngata e mahi ana ki te taha o Tangaroa kia mātakitaki mai, āta tūpato ngā tamariki mokopuna i te wā e hī ika e kaukau rānei.”

Nō te rā nei ka whakapuakihia e ngā pirihimana ko te tamaiti Māori i toromi ki te ngutu awa o Waipu inanahi rā.  Arā ko Jahzel Porter, e tekau mā tahi ōna tau nō Whangarei.  Puta noa i Aotearoa koia hoki te aitua whakamate tuawaru ki te moana mai i te ra o te kirihimete.

Ki tā Brown whakahau, “He tino pouri te ngākau mō te tamaiti i mate ia i te taha o Tangaroa me te one, āe he tino pōuri.  Ki au nei, e kore e kore mōhio nga manuhiri ka tae atu kia Tangaroa kahore rātou e mōhio ki ngā tohu.”

Ki ngā whakamārama, kua rongohia e ngā iwi i te kaha tō mai o te taitimu i ēnei hararei.  E meatia ana kātahi ka pēnei rawa te tini o te hunga kua raru ki te moana i tēnei tau engari ko te nuinga kua whakaorangia e te hunga whakaora.

Hei tā Brown anō, “Āta tūpato e ngā whānaunga i te wā ka haere atu ki te hī ika te kaukau rānei ērā atu mea āta tūpato.”

E mea ana ngā pirihimana, ahakoa te rironga o te mea kotahi i te moana, he nui rawa tērā.