Kaupapa: Health

Kua whakapōtaehia ētahi tauira Māori ki tō rātou rātou tohu paetahi tāpuhi ki raro o Te Whare Takiura o Waiariki

Mere McLean
  • Te Tai Rāwhiti

I tēnei rā kua piki te tatauranga o ngā nēhi Māori nā runga i te whakapōtaetanga o ngā tauira ki to rātou tohu paetahi tāpuhi ki raro o Te Whare Takiura o Waiariki.

Kua toru tau ēnei paetahi tapuhi e oke ururoa ana.

E ai ki a Marie Ramsdon-Horihori, “Ko tō tātau iwi e kaha māuiui ana, e noho pani ana nō reira e hara mai ana te hunga tāpuhi Māori hei tautoko i a tātau tūmeke!”

Kei te tautoko a Marie Ramsdon-Horihori i tāna tamahine kua whiwhi ki tōna tohu paetahi tāpuhi.

I tīmata a Jasmine Ramsden ki roto i ngā mahi kaitiaki, ā, i kite ia i ngā tūkino e tau nei ki runga i ētahi kaumātua, kīhae i tika te tiakina.  Nā konā tana hiahia whai i ngā mahi nēhi.

E whai ana a Tara Kuiwai Horne i ngā tapuwae o tōna māmā me ōna tuāhine, he nēhi hoki rātou.

E ai ki a Kuiwai Horne, “He mea nui kia uru mai te Māori ki roto i ngā mahi nēhi, nā te mea e mōhio ana rātou ki ngā pīrangi a tō rātou iwi hei tiaki i a rātou.”

He kōrero tērā ka whakatauirahia e te kotahi rau, e rua tekau mā iwa o ngā paetahi nēhi kua puta nei i te Whare Takiura o Waiariki i tēnei rā.