Kua whakapiri a Ngāti Kahungungu me CYF he pāinga mo te hunga tamariki

Aroha Treacher
  • Te Tai Hauāuru

Ko Ngāti Kahungunu te iwi tuawhā ki Aotearoa nei te whakapiri atu ki a CYF i raro i tētahi kawenata, kia rere atu ai o rātou tamariki mai i ngā ringa o te kawantanga, kia noho ki te taha o o rātou whānau.

I tēnei wā, he rua rau waru tekau mā ono ngā tamariki mokopuna o Ngāti Kahungunu kei ngā ringa o CYF. He kotahi rau ono tekau mā rua ngā tamariki e noho ana ki Te Matau a Māui, Te Tairāwhiti rānei.

He kotahi rau toru tekau ngā tamariki mokopuna e noho ana ki a CYF mō ngā tau e rua neke atu.

Ko te whakaheke i aua tatauranga te mea whakahirahira rawa ki te iwi, o ngā tamariki e rima mano kei ngā ringa o CYF i tēnei wā, he rima ōrau neke atu he Māori, nō reira, he rongoa pea kei roto i tēnei kaupapa.

Kua rite te tū a Ngāti Kahungunu ki ngā iwi o Ngāpuhi, Ngāti Porou me Tainui, ko te rongoa mō āpōpō tā rātou e whai nei, kaua mō nāianei noa, a mā te tāmoko kawenata pea ka whai hua ā rātou tamariki.