Kua whakaora te whāinga ki te whakatu ano i te whare karakia o Hukarere

Aroha Treacher
  • Te Tai Rāwhiti

Ahakoa, he waru tekau ma waru katoa ngā tauira kei te kareti kōhine o Hukarere, e kapakapa tonu ana te manawa o te oranga.

He tauira ō mua a Lelie Pearcey, e ngakaunui ana ki te whakapiki i te rārangi ingoa o te kura ki te kotahi rau rua tekau, ki te whakapau kaha kia eke ano ai ngā kohine ki te puhikaioreore o te matauranga.

Ko tāna, “Kei te puphi tonu te hā o Hukarere, anei wa matou anei ngā pukenga rawe o ngā kotiro anei wa matou nei huarahi ngā whainga mo te rangatahi.”

Ko te whakaara ake ano i te whare karakia, Te Manawa o Hukarere, tētahi atu tino whainga. Engari na te korenga o te pūtea, kua noho mokemoke ia i roto i ēnei paepae kaipuke mo ngā tau tekau.

I te tau rua mano ma toru i hūnuku te kura mai i Matahourua ki te whenua hou ki Eskdale, engari o te putea e waru rau mano tāra me kimi kia whakārahia ake ano ai te whare karakia, he wāhi iti noa kua kohikohia, heoi e kimi pūtea tonu ana a Pearcey kia tutuki ai taua whai.

Ko tāna ano, "he nui te mahi aua mahi, ko te hiahia tonu a tera tau pea, kaore matou i warware i to matou whare karakia."

Heoi, e kaika ana te wairua o Pearcey hei arataki i ana kohine, me te tautoko o te poari hou, he tekau ma tahi katoa ona mema, a, ko te ahua nei ka whakamaua e rātou te pae tata kia tina.