Kaupapa: Health

Kua whakamihia te tokorua nō Ngāti Hine mō te pakanga i te Pī

Rukuwai Tipene-Allen
  • Te Tai Tokerau

He raurau tonu ngā tono ia tau mō te tioata whakaihi, he ngangara nui te pī ki waenga i ngā hapori puta noa. 
Erangi e whēke ana te tokorua nei o Ngāti Hine ki te whakamutu atu i te ngāngara nei ki roto i tō rāua hapori i te tai tokerau mā te aukati i te hoko atu o ngā paipa pī i ngā toa ka mutu e tautoko ana te iwi.

He tokorua nō te taone o Moerewa i whai tautoko whai muri i tō rāua tū kia mutu te tioata whakaihi i te Tai Tokerau, ka mutu hei tā rāua nei te wā tika ki te tū.

E ai ki te tokorua he nui ake tēnei mate i te mōhioranga o ētahi. "Tino nui rawa, ia hapori o te Tai Tokerau kua uru mai tenei hoariri ki roto I ngā pā papakāinga o ngā hapori nei."

I horapa ō rāua rongo i te putanga o te ataata pukamata e whakaatu ana i a rāua e pātai ana kia mutu te hoko atu o ngā paipa.  
Nō muri atu kua mutu te hokohokotanga o ngā paipa i ērā toa ka mutu kua whai huruhuru te kaupapa nō waho, nō roto hoki i te kāinga.

Nui ake tēnei i te mate ā motu, he mea ngau ngākau hoki.

E hanga mai ana he pitihana ki te tuku ki te kāwanatanga kia whakakahore i ēnei taputapu i ngā toa katoa.