Kaupapa: Tūhoronuku

Kua whakamanahia e te Kāwana i a Tūhoronuku hei whakatau i ngā kereme a Ngāpuhi

Heeni Brown
  • Te Tai Tokerau

Kātahi anö a Te Ka=āea ka rongo, a ko ake nei puta ai he panui i te Kāwanatanga e mea ana he whakatau kua puta, e pā ana ki te rōpū ka whakahaere i te whakataunga kereme Tiriti a Ngāpuhi.

He take tēnei kua roa e taukumekumehia ana i waenga i ngā hapū o Ngāpuhi, ā,  he take i kōrerohia i tētahi hui i wāenga i te Karauna me Ngāpuhi, i tū ki Tamaki Makaurau, i te rā nei.

E ai ki tā mātou karere ki a Heeni Brown, nonakua tonu nei pa te rongo ki a matou, kua whakatauhia ko wai te hunga kōkiri i ngā kereme a Ngāpuhi.

Kua roa Te Kotahitanga o ngā Hapū e tohe ana ki te Karauna kia kaua e riro mā Tūhoronuku tenei take e hāpai, heoi i roto i ngā tau tata ake nei i whakahaeretia e Tūhoronuku āna hui ki te motu kia mau ake i aia te mana whakahaere o te kereme o Ngāpuhi.

No te ra o Waitangi ka puta te kupu a te Pirimia e kiia ana he moni tōmua ka whakaritea e ia hei whakararata ia Ngāpuhi mo tetahi whakataunga kereme te take.

Ko te korero o Te Kotahitanga o nga Hapū mehemea ka riro ma Tūhoronuku tenei take e tataki ko te kōti te ara ka takahia. Kahore e āta mohiotia ana mehemea e pēra ngā whakaaro o te Kotahitanga o ngā Hapū i tenei wā.

.E ai ki ngā whakamohiotanga kua pā mai ki a Te Kāea he hui nui i tu ki Tamaki i te ra nei, e whakapāetia ana i reira ētahi māngai o Te Kotahitanga o nga Hapū, me ngā māngai o Tūhoronuku heoi, kahore matou i whai wāhi ki te tuku patai atu ki a ratou mo tenei take, engari kei te āta mohiotia e tu ana etahi hui ki Ngāpuhi i roto i ngā rangi tata nei e pā ana ki tenei whakapuakitanga.