Kua whakakotahi te Poukai i ngā whānau

Renee Kahukura Iosefa
  • Waikato/Te Waiariki

Koinei te tau waru tekau e whakahaerehia ana te Poukai ki te marae o Horahora ki Rangiriri.

Hei tā Taipu Moana, “He huihuinga motuhake ngā Poukai i whakaritea tuatahi mo ngā whanau e noho pani ana i te wā o Kingi Tāwhiao inā e hāere tonu ana ngā hui i ēnei ra."

Ahakoa kaore a Kingi Tuheitia i tae a tinana mai i waiho ma tana tama ma Whatumoana e whakatutuki te karanga o te rā.

Ia tau e mohio marika ana te whānau ki te whakatakotoranga o ngā kaupapa okawa e whakahaere ana i te poukai, he wa hoki hei whariki i ngā take o te wā.

Otira ki a Pat Kingi, he koroheke o Horahora marae, ko tetahi o ngā rereketanga nui e kitea ana i ngā tau waru tekau ko te tini maha o ngā rangatahi kua wehe ki tawahi mahi ai.

“He ao rerekē tēnei ko te nuinga o ā mātou rangatahi kua hāere ki tāwāhi noho ai ki te whai mahi." 

Hei te tekau ma iwi o tēnei marama ka tu te poukai e hāere ake nei ki Kokohinau Marae ki Te Teko.