Ngā kaupapa: ANZAC, Arts, Cook Islands

Kua whakahōnoretia ngā hōia Kuki Airani 500 o Te Pakanga a Ao Tuatahi

  • Tāmaki Makaurau

"Kei Warewaretia e Tātou te rima rau hōia Kuki Airani", koia nei te tino pūtake o tētahi whakaaturanga i tūwhera i te rā nei ki te whare whakakitenga toi o te Depot i Tāmaki Makaurau.

Nā te Karapu SDA Pathfinders, Adventurers hoki i whakaatu mai i te ara ki te whare whakakitenga toi o Te Depot i Te Hau Kapua. 

Mīharo ana te hunga taiohi ki te mātakitaki i ngā taonga, ki te whakarongo ki ngā kōrero, ki te pānui ano i ngā tuhituhi mea tāhia hei maumahara ki ngā taitama e rima rau i wehe atu mai o rātou kāinga i Rarotonga ki te Pakanga Tuatahi o te Ao.

Otirā, kei roto i ngā ringaringa o tēnei reanga tamariki te orangatonutanga o ngā mahara me ngā hītori o a rātou tūpuna rima rau, ngā Tamatoa o ngā Kuki Airani.