Ngā kaupapa: Crime, Health

Kua whakahokia te pēpi i kāhakina ki te Hōhipera o Middlemore

  • Tāmaki Makaurau

I tū tētahi wahine e rua tekau mā ono tau te pakeke, me tētahi tāne e toru tekau mā tahi tau te pakeke ki mua i te aroaro o te kōti ā-rohe o Manukau i te rangi nei mō te whakapae na rāua tetahi pepi e rima rā te pakeke i kāhaki i te taiwhanga whakawhānau pēpi i te hōhipera o Middlemore inapō. 

I te takiwa o te whā karaka i tēnei ata kitea ai te pēpi i kāhakina i te hōhipera o Middlemore i ngā haora tata i mua mai, ki tētahi whare i Manurewa.

I hopukina tētahi tokorua kua rāhuitia o rāua ingoa e te ture, e whakapaetia ana na rāua te pepi i kāhaki, a, i tū rāua ki mua i te aroaro o te kōti ā Rohe o Manukau i tēnei ahiahi.

Ka whakahaerehia tētahi arotakenga motuhake a te hōhipera me te Ope Pirihimana inamata nei, mō ngā whakaritenga whaka-haumaru a te hōhipera, ā, ka puta ngā kitenga i tōna mutunga.