Kua whakahētia e ngā whānau o ngā pārurenga a James Taylor tōna whakawhiu

  • Te Tai Tokerau

Puta ake ana a Daniel Luke Taylor ki te mura o te ahi i te ra nei.

Ko te whiu e hāngai ana ki ngā hāmene e iwa mo te rāweke tamatāne, me tētahi mō te hiahia a Taylor ki moe i tētahi tama i raro iho i te tekau mā rua ngā tau.

Hei tā tētahi māngai mo ngā whanau o ngā pārurenga, e mōrikarika tonu ana rātou, na te kaha iti o te whiu.

Ko tā Charles Hohaia, “i te pāpouri ngā whānau katoa, i te noho au ki te taha o ngā mātua o tētahi o ngā pārurenga i te putanga o te whakawhiu, ko tana kī i taua wā he koretake rawa atu taua whakaritenga." 

Ko Taylor te heamana o mua o te Roopu Pakihi o Kaitaia. Hei tā tana roia, i tuhi reta whakapāha atu ia ki etahi o ngā pārurenga

Ahakoa tēra e `morikarika tonu ana te nuinga ki ā ia me āna mahi.

E ai ki a, “Koia ra tetahi tangata i whai mana, engari kīhai te whakatinanatanga mai o taua mana e tika ana, ka mutu, e pā kino tonu ana ona hara ki enei taitamatāne.”

Ko te whiu a Daniel Luke Taylor, e rima tau e whitu marama te roa, engari ka tāea tana tāpae tono tuku here hei te paunga o te rua tau, tekau marama.