Kaupapa: Rereātea - Midday News

Kua whakaae a Jones ki te mahi whakatō rākau i te Manawatū, Whanganui

Regan Paranihi
  • Te Whanganui-ā-Tara

He kotahi ira toru miriona ngā rākau ka whakatōkia ki whenua tūmataiti ki Manawatū me Whanganui hei tēnei hōtoke, i raro i te tahua whakawhanake i ngā rohe taiwhenua. 

Nō ngā hāora tata nei puta ai i te minita Take Ngahere, i a Shane Jones tēnei kōrero.

He tata ki te kotahi rau mano tāra ka whakapaua hei whakatō i ngā momo rākau huhua ki ngā whenua pāmu ngahoro, kotahi mano heketea te nui, i te rohe.

Ko te whāinga kei te pae tawhiti, kia whai tūranga mahi te tangata i te rāngai ngahere.