Kaupapa: Kapa Haka

Kua whai tūranga a Tutara Kauika ki Rangataua ki Te Matatini

Heeni Brown
  • Waikato/Te Waiariki

E tohu ana ngā takahitanga a Tutara Kauika ki Rangataua i ngā tau maha kua wheeke katoa āna uri kia whai ingoa rātou ki te whakataetae a motu o Te Matatini.

Mai i te tau rua mano ma ono ka tau ta rātou noho ki Te Matatini,

Engari mō tōna wā tuatahi kua kore a Tauira Mai Tawhti e whai tūranga ki taua whakataetae.

Ko tētahi o ngā kapa i kitea ki Te Matatini o Te Arawa, Otira a Te Karu, ka mahue hoki i a rātou he turanga ki Te Matatini o Otautahi a tēra tau.

Heoi, ka whai wāhi tonu tētahi kapa no Tuhoe hei kanohi mō Mataatua ka uru ko Ruatāhuna Kakahu Māuku hei kapa turanga toru ki Te Matatini.

Mō Te Whānau a Apanui ngā toa o mua o tēnei whakataetae, ka mutu ana te tu i Tauranga Moana ka ahu ki ngā whakataetae a motu hei kanohi tuarua mō te rohe.

Na, eke ana a Te Whakatōhea i te papawhakatuwaewae ko ngā mamae ēna i rangona whanuitia e te marea, ko rātou ngā toa whakaihuwaka o Mataatua.