Kua whai tūranga te kaiwhakahaere o Iron Māori ki te Poari Hauora O te Matau a Māui

Aroha Treacher
  • Te Tai Rāwhiti

Kua hīkina te mānuka e te kai-whakahaere o Iron Māori e Heather Skipworth, kua tohua hei mema hōu i te Poari Hauora ā-Rohe o Te Matau a Māui. Heoi, ko te whai wāhi atu ki te whare miere tōna tino whāinga, me te aha, e pīkoko ana ia kia tū hei kaitono mā te Pāti Māori ki te rohe o Ikaroa Rāwhiti hei raurangi.

E ngakaunui ana te hunga o Aotearoa ki te tauoma roa o Iron Māori. I ona rima tau, ina tōna tipu matomato kua eke öna kaiwhakauru mai i te toru rau, ki te rua mano rima rau i tenei tau.

Heoi, ka heke te kaiwhakahaere a Heather Skipworth i taua mahi kia aro ai ki tona turanga hou ki te Poari Hauora ā-rohe o te Matau a Maui.