Kaupapa: Business

Kua tūwheratia tētahi Tari Māori Toko i te Ture mā te iwi Māori

Te Kāea
  • Tāmaki Makaurau
Dr Pita Sharples opens new Māori law firm

Nā te Minita Take Māori, nā Tākuta Pita Sharples tētahi tari Māori toko i te ture i whakatūwhera i te rā nei. 

He tari kua whakatūria mā te iwi Māori, engari kaare i te whakawhirinaki noa atu ki ngā whakataunga kerēme tiriti, hei mahi māna.

He mātanga kei Enterprise Law aro nui ana ki ngā take whakahaere rawa, mana whakairo hinengaro, take arumoni tauhokohoko hoki i Aotearoa nei, i tāwāhi anō rā.  

Ko tō rātou whāinga matua, he whakahirihiri i te whanaketanga tauwhiro o te ao Māori.

Hei tā Tākuta Sharples ki Te Kāea i te rā nei, "Kua mutu kē te tīmatanga i te kōhanga, kura me ērā atu.  Ināianei, kua tae ki te wā kia uru atu tātou ki roto i ngā pākihi, kāwanatanga, me ērā atu wāhanga o te ao Pākehā, kia kawe ai te ao Māori, te kawa Māori ki roto i a tātou pakihi."