Kaupapa: Education

Kua tūwhera ngā tatau o tētahi peka RSA hei mahi ako ringawera

  • Tāmaki Makaurau

He tuatahitanga mō tetahi whare ako ringawera, kia tū ki roto i tetahi whare mōrehu hōia.  

Koia nei ko Te Mānuka i tūwherahia ki te whare hōia o Papakura, nā runga i te mahi tahi ki te Wānanga Whakaako o Aronui, ā, ko te tino whāinga kia whai hua a tātou rangatahi e whai tohu ana mō ngā mahi tunu kai, manaakitanga hoki.

Hei tā Dean Grace, “Ko tēnei moemoeā ko Te Mānuka, he whare mō ngā rangatahi, mō ngā taiohi e hiahia ana ki te whai mātauranga i roto i ngā mahi tunu kai.”

Ko ngā mātauranga ka whāngaia ki ngā tauira, ehara mō ngā kai noa iho nei, engari me pēhea te whakarākei i ngā kai, me te whakarekareka i ngā kai Māori me ngā kai o whenua kē.

Ko tētahi tauira o Aronui, e matatau ana ki ngā uauatanga o te whai i ou ake moemoeā, e mihi ana ki te kaupapa nā te mea ko ngā hua ka taka iho ki ngā rangatahi o te rohe nei.

Hei tā Suaia Matagi, “Ko te hunga e whai tuarua ana i te mātauranga, ka whiwhi i ngā pūkenga kia ea ai ngā momoeā.”