Kua tutuki ngā mahi whakapai mo te marae o Kākāhi

  • Waikato/Te Waiariki

Kua neke atu i te kotahi rau tau te Whare Tūpuna o Taumaihiorongo, o te Marae o Kākāhi i roto i te rohe o Ngāti Tūwharetoa e tū ana, ā, nōnātata nei ka tūwheratia okawatia he wharekai hou, he wahanga whare paku hou hoki mō te haukainga o Ngāti Manunui.

Hei tā Napa Otini, “Kāre te tari o te hauora i whakaae kia whakamahi i ngā mahi o te wharekai, nā, ko te whakaaro kia whakarite ai tātou mō tēnei tātou rautau mō tō tātou tūpuna.”

Hei tā te māngai o Stanley Ltd, ngā kaikawe i te kirimana whakahou i ngā whare o te marae o Kākāhi, kua tutuki rā ngā wawata o te Marae, i wawatatia rā e rātou i ngā tau e rua kua hori.

Hei tā Craig Cristie, “He pai te kite i te whānau i konei, e kite mai ana i te hua o ngā mahi i wawatatia rā. Arā pea ngā whakaaro e kore pea e tutuki ngā mahi, ēngari kei konei ngā whare hou."

Ka tika he whare whakamarumaru hou hei manaaki, hei tiaki i te tini ngerongero ka whakaeke mai ki runga o Kākāhi Marae.