Kaupapa: Rena

Kua tupu mai te āwangawanga kia Ngai Te Hapū mo te kaipuke Rena

Mere McLean
  • Waikato/Te Waiariki

E māharahara nei a Ngāi Te Hapū o Motiti i te tono a ngā rangatira me ngā kaiinihua o te kaipuke o Rena kia waiho tonu te kaipuke ki te toka o Otaiti, ahakoa te tono a ngā iwi o te Moana-a-Toi kia hikina atu.  He whakaritenga tēnei ka kawea ki ngā iwi, matapakihia anōtia ai i tēnei wiki.

Ko te tango i ngā toenga o te kaipuke Rena mai i Otaiti te whāinga matua mō rtou o te moutere tata o Motiti, heoi anō mō te kaikōrero o Ngāi Te Hapū a Buddy Mikaere ehara i te mea ohorere te rongo atu kei te tono atu ngā kaipupuri kia noho te kaipuke ki Otaiti.

Hei tā tētahi māngai o Ngāi Te Hapū, tā Buddy Mikaere, ko tāna “kua roa mātou e mau ana i tērā whakaaro kia tangohia te kaipuke, kei te mārama ngā kaipupuri me ngā kaiinuhua ki tā mātou hiahia, ka nui te pōuri ki te rongo kei te tono rātou kia waiho te kaipuke ki reira.

E ai te kamupene nō rātou te kaipuke Rena ka eke ki te toru rau miriona te utu ki te unu i te waka, hāunga rā te toru rau miriona ki te kawe i ngā whakatikatika.  Mō ngā mahi whakapai he whā tekau mā whitu ira whitu miriona taara kua whakapauhia kētia e te Kāwanatanga, heoi anō ko te taha taiao mō ngā tūkinotanga tā Ngāi Te Hapū e māharahara ana.

Nā te nui o ngā kōrero hunga e pa ana ki te taiao, mō mātou he pai ake kia hahu ake te kaipuke mai tērā wāhi.

E ai ki a Buddy Mikaere, kua whakaae mai te Taraipunara o Waitangi kia noho rātou ki mua i a rātou mō te Rena heoi tērā tonu ngā mea hei whakatikatika ki te taha ture i mua i te whakatinanahanga o tērā huarahi.