Kaupapa: Waka Ama

Kua tu toa a Tūrangawaewae Tama Ora ki ngā Whakataetae Waka Ama ā motu

Te Kāea
  • Waikato/Te Waiariki

I puta mārika ai te mana tamariki ki ngā Whakataetae Waka Ama ā motu ki Karapiro.

E waru ngā tira i whai wāhi ki te rēhi whakamutunga he rima rau mita te roa mo te wāhanga WT12.

Ko ngā tira i uru atu ki ngā whiringa whakamutunga ko Tūrangawaewae Tama Ora, Don’t Look at Me, Kaitunaz-waiariz, Tūrangawaewae Tama Tu, Ngā Kakano, Tuna.com. 2be or Not2be rātou ko Te Rau Oranga – Mareikura.

Ahakoa i puta te mana o ngā tira katoa i a rātou hoe ana ki roto i te rēhi, ko Tūrangawaewae Tama Ora te tira i ārahi i ngā waka mo te katoa o te rēhi.

I tētahi whakamutunga tino tata mo te mētara hiriwa ko Don’t Look at Me o Horouta Waka Hoe tēra i riro i te tūranga tuarua, ā whai tata muri mai i a rātou mo te tūranga tuatoru ko Tūrangawaewae Tama Tu no Tūrangawaewae Waka Sports.

Mo te katoa o taua rēhi me ngā rehi whakamutunga ka whakahāerehia i te ra nei whāia te ara hono ki raro nei.

http://www.maoritelevision.com/tv/shows/2014-waka-ama-sprints