Kua tū tira tētahi hapori Māori ki te whakahē i ngā ara pūehu

Dean Nathan
  • Te Tai Tokerau

Kahore i tua atu i te waha i ngā whakaaro mō ngā ara puehu o Te Taitokerau ki mua pū i te aroaro tonu o te kaunihera.

Koinei te kaupapa o tētahi hikoi ki Whangarei i te rā nei, hei kōkiri i tēnei mate ka hia nei ngā whakatupuranga e poke ana i ngā marae kāinga o te tuawhenua o te rohe.

Ki te takiwa o te kaunihera o Whangarei anake, neke atu i te waru rau kiromita ngā rori metara rori puehu.

Hei tā Moetu Davis, “He take manāki ia matou I te mea e puehu ana o matou rori puehu puehu nei.  Na e noho penei ana matou kia mahara koe te raumati nei na e mahi tonu ana ngā taraka nei I a rātou mahi na ko matou e kai ana I o rātou puehu.”

E toru tekau tau kua pahure no te whakaaetanga o ngā kawana-a-rohe ki te raki o Tāmaki kia whakatupu ngahere paina ki te rohe whānui engari mahue ana ko ngā herenga ki ngā tini ture mō te hauora o te iwi me ngā rori puehu.

Iaianei kua hautupua tēnei mate kahore hoki he moni whakarauora. Mō tēnei wa ko te rori kohatu ki tuawhenua o tēnei rohe he moemoea tonu nei.