Kua tū tētahi tāne ki te aroaro o te kōti whai muri i tētahi haupatatanga toki

  • Te Whanganui-ā-Tara

Kua tū a Retimana Te Korou Nicholls, he toru tekau mā ono te pakeke, he kaikānataraki no Upper Hutt, ki te aroaro o te kōti mo te kōhurutanga o tētahi wahine, mo te patu hoki i ngā tangata tokotoru ki Hutt Valley, i tētahi haupatatanga toki.

Mau tonu ana te toto ki te mahau o te whare o Colleen Noble whai muri i tētahi haupatutanga weriweri i mate ai tana kiritata, i te rere o te toki.

Inapō kitea ai te tūpāpaku o tētahi wahine, he rima tekau mā rima tau te pakeke, ki tētahi whare i Timberlea.

Nā te tamaiti a Noble te waea ki ngā Pirihimana i tuku, ā, i reira anō ia i te hokinga mai o te tama a te wahine i mate ki tōna kāinga.

I noho rāhui te kōti ki te hunga pāpāho i te rangi nei, engari hei mōhiotanga mā koutou, he tāne, toru tekau tau tōna pakeke, i tū ki te aroaro o te kōti i runga i whakapae mō te kōhurutanga i pā inapō.

I hāua anō tētahi tangata ki tua noa i te wāhi i hāua ai te wahine i mate, me te ohorere o te hapori nei i ēnei mahi.

Ka mauherea te whakatuakinga tae noa ki te marama e tū mai nei, engari mō naianei ka whai kaha ngā whānau o Timberlea kia auraki anō ki te ora.