Kua tū ngā pihi a tētahi iwi nā ngā whakapae a MP Curran

  • Waikato/Te Waiariki

"Me heke te Mema Pāremata mō Ōtepoti ki te tonga a Clare Curran, kua kore nei e tika hei māngai mō Aotearoa."  

Koinei te wero a Te Maru o Ngāti Rangiwewehi, kua tū ngā pihi i tā Curran whakapuaki i ētahi whakapae mō tō rātou uri mō Paora Maxwell i roto i te Whare Pāremata, i a ia e tono ana i te tūnga Tumu Whakarae o Whakaata Māori.

Hei tā Clare Curran ki a Te Kāea i te rā nei, "E kore a ia e rīhaina, ko tāna mahi, he whakaara ake i ngā raru ka hua ake i waenga i ngā kamupene whai pūtea mai i ngā kaiutu tāke.

E ahei ana a Paora Maxwell ki te whakatakoto i āna āwangawanga i raro anō i ngā tikanga a-Pāremata, ā, māna tonu hei whakautu."