Kua toko ake te māharahara ki te teihana Britomart whai ana i tētahi whawhai

Wepiha Te Kanawa
  • Tāmaki Makaurau

Tata ki te rua tekau mano tāra te wāriu o ngā rawa i maukinohia ki ngā tereina o Tāmaki Makaurau i te pānga o te riri i waenga i te whitu tekau rangatahi ki te tūnga tereina nui i Britomart. 

Kua toko ake te māharahara ki tētahi kaikaunihera e mea nei me whai pirihimana te teihana, rua tekau mā whā haora i te rā.

Te nuinga o ēnei kaieke tereina i te hoki atu ki te kainga whai muri i te konohete Kirihimete i Rō Pāka me Raggamuffin. Ka timata mai tētahi whawhai, mea rawa ake ka katia te teihana, i raru hoki ētahi tereina.

E rere ana te wairua āwangawanga i tētahi mema Kaunihera o Tāmaki.

Kua āio a Tūmatauenga ināianei, heoi e ai ki te Mana Waka o Tāmaki he pāpouritanga nui tēnei.

E ai ki a Teresa Nepe he katipa nō Waitakere, he mahi tēnei kei te kaha kitea.

E whakaae ana a George Wood me kimi rautaki ki te whakamutu i ēnei mahi.

Kua eke mai te wāhanga whakanui ki runga i a tātou, ā, ka kaha kitea ngā hui ki konei ki Tāmaki. E tūmanako ana te Mana Waka o Tāmaki ka piki haere a rātou punga.