Kaupapa: Housing

Kua tohua e Twyford ngā whare o Kiwibuild ki Te Kauwhata

Mānia Clarke
  • Waikato/Te Waiariki

He kōrero nā te Minta Hanga Whare Tāone, ka aro te kāwanatanga ki te rohe whare hōu o Lakeside ki Te Kauwhata, kotahi mano e ono rau ngā kāinga, hei wāhi whakatū i ngā whare utu māmā o KiwiBuild. He mānuka i takatōria e tētehi māngai marae o Te Whakakitenga e Robert Tukuriri i hīkina tōtika atu e te Minita Manatū Whare Tāone.

“I know that my KiwiBuild officials are talking right now with the developer on the site, WINTON,” i kī atu a Phil Twyford.

“And hopefully they'll be able to come to some agreement and we will see affordable starter homes for young families built right here in this community.”

E kōkiri ana ngā marae o Ngā Muka mō ngā whare he ngāwari kia whai wāhi ai i te iwi, ā, kei te hurō te ngākau i te kupu a te minita.

“Harikoa ana au ki te whai wāhi ngā whare Māori,” i mea atu te heamana o Ngā Muka a Glen Tupuhi.

“Titiro ki te ātaahua nei o tēnei rohe. Kāre e pai mō ngā tāngata e hokona nei te rahi o ngā whare. Pai te whakarongo. Ngā whare kei raro i te kaupapa o KiwiBuild.”

Ka hanga a WINTON i ngā whare kotahi mano e ono rau ki te taha moana o Waikare i ngā whenua e rua rau mita pūrua ki te hauwhā eka, mai i te rima rau mano tāra rahi ake te utu. Kua hui ngātahi a WINTON rātou ko Ngā Muka i ngā marae.

“We're putting detail discussions with MBIE on some affordable housing component that may fit within their KiwiBuild scheme,” i kōrero atu te tumuwhakarae a Chris Meehan.

“And if you see the houses that we've designed here, some of them are designed to be on smaller lots, they're free standing. But they're definitely designed to be at the affordable range.”

E rima tekau ngā whare ka tonoa ki te hunga kaihoko hei te marama o Oketopa, hei te Nōema tīmata ai te hanga i ngā whare.

Ka īnoi atu a Ngā Muka ki Te Whakakitenga o Waikato-Tainui ki te āwhina i ngā uri.

E rua tekau ōrau O ngā whare kotahi mano e ono rau ka hangaia e te rōpū hanga whare o WINTON, ka ngāwari te utu.

Kua tūtaki rātou ko te Manatu Hīkina Whakatutuki me te tono ki te hanga atu atu i te rima tekau ōrau ngā whare māmā te utu.

Ka mutu ka hui ngātahi rātou ā tērā Rātū ki te āta kōrero i te take.