Ngā kaupapa: Fitness, Kapa Haka, Te Arawa

Kua tohua e Te Arawa o rātou toa mo Te Matatini

Mere McLean
  • Waikato/Te Waiariki

He Kanohi hōu ka kite ake ki Te Matatini mai i Te Arawa hei tērā tau. Ka whai atu Te Kapa Haka o Ngāti Whakaue i Te Mātārae I Orehu, Te Pikikotuku o Ngāti Rongomai, Tūhourangi/Ngāti Wahiao, Ngāti Rangiwewehi me Te Hikuwai.

Kua rua tekau tau e moemoeātia ana, kua tahuri te tititro o Ngāti Whakaue ki Te Upoko o te Ika. Hei tā Tenga Rangitauira, kaikōrero mo Te Kapa Haka o Ngāti Whakaue, “kei te harikoa mātou, engari ko o mātou kōeke kē ngā mea e tino harikoa ana kua hoki atu te iwi ki tērā papa whakatū waewae”.

I roto i ngā rā e rua, rua tekau mā tahi ngā rōpū i tū ki roto i te whakataetae kapa haka o Te Arawa. Ko te whai i ngā tūranga e ono hei kaiwhakakanohi i te rohe ki Te Matatini a tērā tau. Mai i te rōpū tuaono, ko Te Hikuwai, Te Kapa Haka o Ngāti Whakaue, Ngāti Rangiwewehi, Tūhourangi/ Ngāti Wahiao, Te Pikikotuku o Ngāti Rngomai me ngā whakaihu waha o Te Arawa a Te Mātārae I Orehu. Hei tā Te Po Mitai-Ngatai, Kaitātaki Tāne, Te Mātārae I Orehu “ko te mea nui, kua riwha ngā mahi i konei, ko te mea nui ko te whakakōrero anō i ngā korero tāukiuki tā mātou e tino whai nei i tēnei wā”. Tau kē ngā haka mai i te rohe.

I riro atu ki a Ohinemutu te taonga mo te rōpū hōu. Engari ko ngā kaupapa kōrero i aronuitia e te marea. Ki tā Monty Morrison, “I ēnei rangi e rua ana ka maumahara rātou kua whetu a Pihopa mā, a Rangipuawhe tēnei te ātaahua mo tēnei huihuinga”. Ka tahuri te waka o Te Matatini ki Te Whenua Moemoea hei ngā rangi okioki e tū mai nei ki Canberra.