Kaupapa: Kapa Haka

Kua tō te whakaaro hei tū he kapa mate hinenga

Wepiha Te Kanawa
  • Tāmaki Makaurau

I tū te hui kapa haka tuatahi ki Tāmaki i tēnei rā e hāngai pū ana ki te hunga mate hinenga. I whai wāhi atu tētahi o ngā mātanga kapa haka, me te manako kia eke te tira nei ki ngā whataetae ā motu.

E ai ki tētahi Mātanga Kapa Haka a Anette Wehi, “Ko tā rātou tino wawata kia eke ki runga i te papatūwaewae o Te Matatini. Kei te mōhio mātou katoa he uaua taua huarahi engari kaore he mate i te wawata nui.”

Ko te hui Kapa Haka o Te Anga Paua te hui nui rawa atu o te motu, ko tana whainga he ako i te hunga hauā.

Hei tā te Kaiwhakahaere a Taki Peeke, “Ko Idea Services te urupare i ngā hiahia o Māori, pehea matou e urupare i a rātou hiahia e pā ana ki te ao Māori? Ko te kapa haka tēnei momo waka e kawe i tēnā hei whāngai atu.”

Mai Kaitaia ki Murihiku te hunga, ā, kei te takiwa o te rua tekau ki te ono tekau tau te pakeke.

“Kāore anō rātou e mohio me pēhea te tū ki mua i te mano me te tini. Kia mohio ko ngā whakataetae a rohe mai i te kotahi mano rima rau ngā tangata piki ake ki te rima mano ngā tangata.”

Ko te whainga matua o te kapa nei kia eke rātou ki te papa whakatuwaeawae o Te Matatini a te tau rua mano rua tekau.

Mayor Goff told Te Kāea, “No level of child poverty is acceptable and I'm really pleased we've got a government that focussed on that making sure that every child can be part of our community and can achieve to their full potential. You can't do that if your living in cold or damp or you don't get the same opportunities in life.”