Kaupapa: Softball

Kua tīmata te tauwhāinga poiuka mā ngā pia kura tuarua o Aotearoa ki Tāmaki Makaurau

Wikitōria Day
  • Tāmaki Makaurau
NZ Secondary School Softball Championships

Hei arataki i ngā kohinga kōrero hākinakina ko te tauwhāinga poiuka mā ngā pia kura tuarua o Aotearoa te aronga ki Tāmaki Makaurau i tēnei wiki.

I whai wāhi atu a Te Kāea ki te rangi tuatahi, ā, ki reira tūtaki atu ai ki ētahi kaitākaro Māori e tino mate nui nei ki tēnei hākinakina.

Kua whitu tau te tauwhāinga nei e haere ana, ā, i tēnei tau e waru ngā kapa tamatāne, e rima ngā tira kōhine. Ahakoa koinei te rangi tuatahi, e rangona ana te wairua māia.

He tuaruatanga tēnei mō ēra kei te reanga tuangahuru i te kura, heoi, mō ētahi atu, he wheako hou kē.

Ehara te poiuka i te hākinakina e kaha tākarotia ana i ngā kura tuarua i Aotearoa, engari, arā tonu te manako, ka rarata mai ngā tauira inā hūnuku haere ai tēnei tauwhāinga ki ngā taone matua.

Ka whai wā ētahi o ēnei kaitākaro ki te piki ake ki tētahi taumata kē atu o te poiuka a te tau hou.

Ka haere tonu ngā mahi tākaro tae noa ki te Tāite e kainamu mai ana.