Kaupapa: Christmas

Kua timata te hui waka ama a Ngāti Rehia

Dean Nathan
  • Te Tai Tokerau

E whakapaukaha ana ngā hoe horo ki runga i te moana o Kerikeri i te rā nei.

Moe atu ara mai moe atu ara mai he hoewaka te karanga i tēnei wahanga o te tau mo te hunga e aru ana i ngā turanga toa o te motu.

Hei tā Kaipo Brown o Ngā Kaihoe O Ngati Rehia, “Ae he whakataetae tino whakahirahira ki ngā kaihoe o Aotearoa o Te Taitokerau nei kia mohio ko wainga hoariri mō Karapiro, kia kite ahau kia mohio au ko wai ngā hoariri kia au nei.”

Ahakoa te wairua whakataetae e mea ana ngā kaihautu o Ngāti Rehia ko te whakawhanaungatanga kē te mea nui i to ratou nei hui. 

I tona taurua tuarua iaianei, e whakamiharo ana te haukainga ki te kaha tautoko mai o ngā tini karapu waka ama puta noa i Te Taitokerau.

Taihoa ake nei e kite ai ko wai mā o tēnei hunga ka eke ki ngā taumata.