Kua tīmata te ASB Polyfest

  • Tāmaki Makaurau

Tokotoru ngā kaiwero, e toru ngā taki i takoto ki te papa, koia nei te tohu kua wātea te huarahi mō te ope whakaeke, kia whakatau mai ki tēnei Ahurei ASB Polyfest mō ngā Kura Tuarua o Tāmaki Makaurau, kua tata ki te whā tekau tau e whakatūhia ana.

Neke atu i te iwa tekau mano tāngata ka takahi i te papa reihi kuri o te Velodrome i Manukau, ki te mātakitaki i te iwa mano tauira mai ngā kura tuarua e ono tekau, e whakaheke werawera ana, mō ngā taonga te take.

Ko te Hapai Te Hauora Tapui tētahi roopu kua roa e tautoko ana i tēnei Ahurei, a ia tau ka takoto ta rātou wero ki ngā tauira me o rātou whānau, kia manākitia o rātou hauora.

Koia nei te tau toru tekau ma iwa o tēnei ahurei, ā, ia tau, he wero ka whakatakotohia hei whai mā te marea, hei tuāpapa mō ngā mahi ā rēhia.

E rua ngā take nui e horahia ana i tenei tau, ko te whakakore atu i ngā inu hukahuka me te whakaputa i ngā kino o te kai tarutaru waihanga.

Otirā, ko te kura tangatawhenua ko Ngā Puna o Waiorea, a kei ia rātou te mahi nui ki te whakahere i tika i te kaupapa, te whakaputa whanui i ngā wero o ngā kaupapa kua takoto, ko ta ratou ano he akiaki i te hunga rangatahi kia tautoko. Ano hoki kia whai i te wikitoria.