Ngā kaupapa: Environment, Weather

Kua tīmata ngā mahi whakapaipai ki Whanganui whai muri i ngā waipuketanga

Wepiha Te Kanawa
  • Te Tai Hauāuru

Kua tīmata ake ngā mahi whakapaipai ki te tai whakarunga o Te Ika a-Māui whai muri i te waipukehanga kino rawa atu, e ai ki te Kaunihera ā-Rohe o Whanganui, o te awa tipuna o Whanganui.

Kua tae atu ngā ratonga mate whawhati tata ki te āwhina, ā, kua whakatūwhera anō te nuinga o ngā rori, engari kei te whakatikatia tonutia ngā mahuetanga o te huarere ki ngā taiwhenua, ā, ahakoa tērā kei te ngana tonu te hunga i Whangaehu, whakatetonga atu i Whanganui ki whakapaipai. 

Koinei ngā pākinotanga kua mahue mai ki te hunga o Whangaehu.

Kikii ana i te paru te whare o Pauline Tahau, ono tekau mā rima tau te pakeke, me āna mokopuna tokorua.  Hāunga rā ngā pakitara me ngā whakaahua e iri mai nā, te nuinga o ana taputapu kua pākarukaru.

Kua noho mahi ko te hōro hei ruruhau mō te hunga o Whangaehu, te nuinga o ngā kāinga e kore e taea te whakatika.

Kua tohaina tētahi pūtea tautoko e Te Rūnanga o Ngāti Apa, whā mano tāra te nui mō ngā whānau e noho rawa kore ana